ел аумағының әуе шабуылына қарсы қорғанысы

(Противовоздушная оборона территории страны (ПВО))

өнеркәсіпті аудандарды, әкімшілік-саяси орталықтарды, халықты әуе шабуылынан қорғау мақсатында жүргізілетін жалпы мемлекеттік шаралар және әскерлердің (күштердің) ұрыстық қимылдар жиыны. Әуедегі қарсыластың шабуылына (соққысына) тойтарыс беру үшін ӘШҚҚ жүйесі құрылады. ӘШҚҚ әуе қарсыласының қолданатын қимылдарының сипатын, күштер мен құралдардың ұрыстық тапсырманы атқаруға тұрақты дайындығын қамтамасыз етуді ескере отырып жүзеге асырылады. ӘШҚҚ-тың төмендегідей түрлері болады: аймақтық ӘШҚҚ (шектерінде тасаланатын объектілері бар жеке аудандарды қорғау үшін құрылған күштер мен құралдардың бірыңғай тобы); аймақтық-объектілік ӘШҚҚ (аймақтық ӘШҚҚ ең қажет объектілерді тікелей қалқалауға қолданылады); объектілі ӘШҚҚ (күштер мен құралдар ең қажет объектілерді қорғау үшін қолданылады).